ສ ເກົາຫຼີ ນຳສະເໜີລະບົບປືນຫຼາຍເລົາລຸ້ນ K 239 ໃຫ້ແກ່ກອງທັບມາເລເຊຍ
ປັດຈຸບັນນີ້ກອງທັບມາເລເຊຍ ມີຄວາມຕ້ອງການລະບົບປືນໃຫຍ່ຫຼາຍເລົາເພື່ອນຳມາທົດແທນລະບົບປືນໃຫຍ່ຫຼາຍເລົາລຸ້ນ Astros II
ຈຳນວນ 36 ລະບົບ ທີ່ມີປະຈຳການໃນກອງທັບຕົນມາເປັນເວລາຫຼາຍປີແລ້ວ. ສະນັ້ນ, ບໍລິສັດ Hanwha Aerospace ຈາກ ສ ເກົາຫຼີ
ຮ່ວມກັບ ບໍລິສັດ Widad Business Group ຂອງມາເລເຊຍ ໄດ້ຮ່ວມກັນນຳສະເໜີລະບົບປືນໃຫຍ່ຫຼາຍເລົາລຸ້ນ K239 ໃຫ້ແກ່ກອງ
ທັບ ມາເລເຊຍ ເພື່ອນຳໄປພິຈາລະນາ. ພ້ອມດຽວກັນນັ້ນ, ບໍລິສັດດັ່ງກ່າວຍັງໄດ້ນຳສະເໜີຂາຍເຄື່ອງບິນຂັບໄລ່ລຸ້ນ KF-21 ເພື່ອໃຫ້ກອງທັບ
ມາເລເຊຍນຳມາທົດແທນເຄື່ອງບິນຂັບໄລ່ລຸ້ນ F-18 ແລະ su-30 ພາຍໃນອີກ 10 ປີ ຂ້າງໜ້າອີກດ້ວຍ. ເນື່ອງຈາກວ່າກອງທັບມາເລເຊຍ
ມີແຜນຈະເລີ່ມປົດປະຈຳການເຮືອບິນຂັບໄລ່ລຸ້ນ F-18 ແລະ su-30 ໃນປີ 2035 ເປັນຕົ້ນໄປ. ເຊິ່ງກ່ອນໜ້ານີ້ຝ່າຍບໍລິສັດ Hanwha
Aerospace ຂອງ ສ ເກົາຫຼີ ໄດ້ປະສົບຜົນສຳເລັດໃນການຂາຍເຄື່ອງບິນລຸ້ນ FA-50 ໃຫ້ແກ່ກອງທັບມາເລເຊຍ ມາແລ້ວໃນຈຳນວນ 18
ລຳ ແລະ ກໍມີການຄາດການວ່າການສະເໜີຄັ້ງຕໍ່ໄປຈະປະສົບຜົນສຳເລັດເຊັ່ນດຽວກັນກັບຄັ້ງທີ່ຜ່ານມາ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/05/2024